Feeds:
પોસ્ટો
ટિપ્પણીઓ

Posts Tagged ‘રક્તદાન કેમ્પ’

  • (અહેવાલ-વિજયભાઈ ઓડેદરા)
    પોરબંદર તાલુકાના ભેટકડી ગામે સમસ્ત ગામ દ્વારા શ્રીરામ કથાનું ત્રીદિવસીય આયોજન કરવામાં આવ્યું હતું વ્યાસપીઠ સ્થાને માલદેબાપા (મૈયારી વાળા)એ કથાનું રસપાન કરાવતા જણાવ્યું હતું કે, આપણે સારા અને સજજન માણસોનો સંગ કરવો જોઈએ જે માણસ જેની સાથે બેસે તે માણસને તેના ગુણો જીવનમાં આવે છે. આથી સંગદોષ થાય છે. માટે જ આપણા શાસ્ત્રોમાં કહ્યું છે. દુર્જનનો સંગ ક્યારેક ન કરવો તેથી આપણે ભજનમાં ગાઈએ છીએ
    કોઈ જાશો નહી એવા આંગણે
    મહેલ માોટાને મન એના સાકળા રે જેની જીભે રામજીનું નામ નહી
    શુભ કામ કરે નહી હાથથી રે
    મીઠ્ઠી વાણી જેના પેટમાં પાપ રે
    કોઈ જાશો નહી એવા આંગણે
    તેવા માણસોના મહેમાન ક્યારેય ન થવાય રામાયણમાં કિર્તેન ભકિતનું પણ અનેરૂ મહત્વ છે. કથા અપૂર્ણ છે. તેથી કથાનું શ્રવણ કરતા રહો. ભેટકડી ગામે રામ કથાનો પ્રારંભ તા.ર૩/૯/૦૧૧ થી તા.રપ/૯/૦૧૧ સુધી કરવામાં આવ્યો હતો. આ કથાની સાથે તા.ર૩ના રાત્રીના સંતવાણીના કાર્યક્રમમાં સુરા ભગત (ભેટકડી વાળા) અને જેસાભાઈ ઓડેદરા (ભેટકડી વાળા)એ ભજનોની રમઝટ બોલાવી હતી. તા.ર૪ના રોજ શ્રીરામ બ્લડબેંક પોરબંદરના સહયોગથી રક્તદાન કેમ્પનું આયોજન કરવામાં આવ્યું હતું ભેટકડી ગામમાં પહેલી વખત જ રક્તદાન કેમ્પનું આયોજન હોવાથી ગામના યુવા ભાઈ-બહેનો મોટી સંખ્યામાં રક્તદાન કરવા ઉમટી પડ્યા હતા. પરંતુ ટાઈમના અભાવે કેટલાય રક્તદાતા
    ઓને પરત મોકલવાની ફરજ પડી હતી. આ રક્તદાન કેમ્પમાં બોટલ એકઠી થયેલ હતી રાત્રીના રામધુન રાખવામાં આવેલ હતી. તા.રપના ભેટકડી ગામના સ્થાનિક કલાકારો દ્વારા સંતવાણી કાર્યક્રમ રાખવામાં આવેલ હતો આ ત્રીદ્વિસીય કાર્યક્રમ ભેટકડી ગામના પઠ્ઠાપીર મંદિર ખાતે આયોજન કરવામાં આવ્યું હતું. બન્ને ટાઈમ રામ કથા, બન્ને ટાઈમ ભોજન પ્રસાદ, અને રાત્રેના સંતવાણીના કાર્યક્રમને લીધે ભજન, ભોજન અને ભકિતનો ત્રિવેણી સંગમનો માહોલ જોવા મળ્યો હતો. આયોજનને સફળ બનાવવા સમસ્ત ભેટકડી ગામના ગ્રામજનોએ સુંદર વ્યવસ્થા અને આયોજનબધ્ધ જહેમત
    ઉઠાવી હતી.

મહેર જ્ઞાતિના વધારે સમાચાર તથા રોજે રોજના તાજા સમાચાર મેળવવા માટે આપનું ઈમેઈલ એડ્રેસ
maher.ekta@gmail.com પર મોકલો.

Read Full Post »

(અહેવાલ-મુળુભાઇ ગોરાણીયા)
પોરબંદરના બગવદર ગામે શ્રીમહેર હિતરક્ષક સમિતિ પોરબંદર દ્વારા સ્વ.માલદેવ રાણા કેશવાલાની ૪પમી પૂણ્યતિથી નિમિત્તે ગ્રામ્યભારતી હાઇસ્કુલના મેદાન ખાતે તા.૧ર/૧/ર૦૧૧ના સવારે ૯ કલાકે રકતદાન કેમ્પ અને રાત્રીના ૯ કલાકે ભવ્ય સંતવાણી કાર્યક્રમ યોજાયો હતો જેમાં હરસુખગીરી ગૌસ્વામી, લોકસાહિત્ય કલાકાર દેવરાજ ગઢવી અને સાથી કલાકરોએ પ્રાચીન ભજનની રમઝટ બોલાવી હતી આયોજનને સફળ બનાવવા શ્રીમહેર હિતરક્ષક સમિતિના કાર્યક્રરોએ ભારે જહેમત ઊઠાવી હતી

Read Full Post »

પોરબંદર જીલ્લાના ખેડુતોને ગામમા જ દાખલા મળશે

પોરબંદરમાં ઇ-ધરા કચેરીને જીલ્લા સેવા સદન ખાતે ખસેડવામાં આવેલ ત્યારે ખેડુતોની પરેશાની વધી ગયેલ અને ગ્રામ્ય વિસ્તારોના ખેડુતો અને સરપંચો દ્વારા વિરોધ પણ વ્યકત કરવામાં આવેલ પરંતુ તાજેતરમાં જ જીલ્લા કલેકટર દ્રારા એવુ જણાવવામાં આવેલ કે ૮/અ અને ૭/૧રના દાખલાઓ ખેડુતોને ગ્રામપંચાયતમાં જ મળી રહે તેવી વ્યવસ્થા કરવામાં આવશે તેમ અખબારી યાદીમાં જણાવેલ છે.


છત્રાવા ગામે સર્વરોગ નિદાન કેમ્પ તથા વિવિધ કાર્યક્રમો યોજાયા

કૂતિયાણા તાલુકાના છત્રાવા ગામે તાજેતરમાં જ સર્વરોગ નિદાન કેમ્પ,અંખડ રામધુન,પ્રસાદી,જેવા વિવિધ કાર્યક્રમો યોજાયા જેમા તા/૧૪ના રોજ સર્વ નિદાન સારવાર કેમ્પનું આયોજન કરેલ હતું જેમા પોરબંદરના પ્રખ્યાત ડોકટર ડો.એ.જી.લાખાણી, ડો.એન.એ.ખુડખુડીયા, ડો.મીનાબેન પુરોહિત, ડો.નિતીન પોપટ વ.એ માનદ્ સેવા આપેલ હતી. આ કેમ્પમાં છત્રાવા, ભોગસર તથા આસપાસ ના ગ્રામ્ય વિસ્તારમાંથી દર્દીઓએ આ સેવાનો લાભ લીધો.

તથા તા.૩૧/૩ ના રોજ પોલાભાઇ ખુંટી તરફ થી ૧ર કલાક ની અંખડ રામધુન, શ્રીરામદેવપીર ની પ્રસાદી તથા સમસ્ત છત્રાવા અને ભોગસર ગામનું સામુહિક ભોજનનો કાર્યક્રમ રાખેલ હતો.


ચંન્દ્રાવાડા ગામે રકતદાન કેમ્પ યોજાયો
ચંન્દ્રાવાડા ગામે તા.૭/૪/૧૦ના રોજ રકતદાન કેમ્પ યોજાયો હતો.જેમા ૩ર બોટલ રકત એકઠુ થયું હતું જે આશા બ્લડબેન્ક પોરબંદરને અર્પણ કરેલ હતું. તથા આ પ્રસંગે ગામમાં ૪૦ વર્ષથી પોસ્ટમેન તરીકેની ફરજ બજાવતા શ્રી કનુંભાઇ નો વિદાય સમારોહ પણ યોજાયો હતો.


Read Full Post »

સોરઠી મરચું
બાલઠાકરે ઘરડા થઇ ગયા છે. તેમણે હવે ઘરે બેસવું જોઇએ :  શરદ પવાર
પેપરન્યુઝ
પવાર સાહેબ એ વાત તો સમજયા પણ સાથે સાથે તમારી અત્યારની યુવાનીની ઉંમર સાથે દર્શાવી હોત તો જરા માભો પડત. – સમિક્ષકો  


ન જાણતા હો તો જાણવા જેવું
આપણી જ્ઞાતિમાં પ્રથમ સમુહ લગ્ન સોઢાણા ગામે તા.૧૦/૩/૯૭ ના રોજ થયા હતા તે વખતે ૧૧ નવદંપતિઓ એ પ્રભુતામાં પગલા માડયા હતા અને આ સમુહ લગ્નોત્સવનો પ્રથમ વિચાર જેતાભાઇ પુંજાભાઇ કારાવદરાએ કર્યો હતો.


અશોકભાઇ મોઢવાડીયા દ્રારા નવા બ્લોગ વાંચનયાત્રાનો મંગલ પ્રારંભ
(કાર્યાલય પ્રતિનિધી દ્રારા)
જૂનાગઢ ખાતે રહેતા અને વિસાવાડા ગામના વતની અશોકભાઇ મોઢવાડીયા એ તાજેતરમાં જ વાંચનયાત્રા નામનો એક નવો બ્લોગ લોન્ચ કર્યો છે. જેને ભારે સફળતા મળી છે માત્ર એક મહિના માં ૧પ૦૦ જેટલી વખત વાંચક મિત્રો એ આ સાઇટનું નિરક્ષણ કરી ભરપેટ વખાણ કરી અને શુભેચ્છાઓની વર્ષા કરેલ, આ બ્લોગ પર તેમણે અખાના છપ્પા, નીતિશતક, ખલિલ જિબ્રાન ના લેખો, ગાંધીજીના સત્યના પ્રયોગો જેવા લેખો અને ગુજરાતી સાહિત્ય અને તેની રચનાઓ તરતી મુકી છે. આ ઊપરાંત અશોકભાઇ મહેર એકતાની વેબસાઇટના  સંચાલક પણ છે. આ વેબસાઇટને પણ  ભારે સફળતા મળેલ છે. અત્યારે  ત્રણ મહિનાના ટુકા ગાળામા ૬પ૦૦ જેટલી વખત જ્ઞાતિજનોએ આ સાઇટનું નિરક્ષણ કર્યુ છે. વધુ જાણકારી માટે : http://vanchanyatra.wordpress.com


સોઢાણા ગામે સ્વ.જેતાભાઇ કારાવદરા ના સમણાર્થે વિવિધ કાર્યક્રમો યોજાયા
(અમારા પ્રતિનિધી દ્રારા)
પોરબંદર તાલુકાના સોઢાણા ગામે તા.૩૦/૩/ર૦૧૦ ના રોજ સોઢાણા ગામ દ્રારા ગામના આગેવાન અને સેવાના ભેખધારી સ્વ.જેતાભાઇ પુંજાભાઇ કારાવદરા સ્મણાર્થે ચોવીસ કલાક અખંડ રામ ધુન  તથા સામુહિક ભોજનનો કાર્યક્રમ રાખી હાર્દિક શ્રધ્ધાંજલી આપેલ હતી.
સ્વ.જેતાભાઇને ગામના લોકો પ્રત્યે અત્યંત લાગણી અને માન હતુ.તેઓ યુ.કે રહીને પણ ગામના વિકાસ હંમેશા ચતા કરતા તેઓ ઇ.સ. ૧૯૯૪માં નિવૃત થઇને યુ.કે થી માદરે વતન કાયમી વસવાટ કરવા આવી ગયા હતા તેઓ એ સૌ પ્રથમ સોઢાણા ગામમાં સમુહ લગ્નોત્સવનું આયોજન કરી ૧૧ યુગલોને પરણાવી ને આપણા સમાજને સમુહ લગ્નોત્સવનો ક્રાન્તિકારી વિચાર આપ્યો હતો. તે ઊપરાંત સોઢાણા મેર ભવન નું નિર્માણ કરવુ.
ગામની શાળાઓ નું નિર્માણ કરવુ ગામના મંદિરો નું નિર્માણ કાર્યમાં મહત્વનુ યોગદાન હતું તેમણે ઇ.સ.૧૯૮૮ માં સોઢાણા ગામ ખાતે શ્રીમદ્ ભાગવત સપ્તાહનું પણ ભવ્ય આયોજન કર્યુ હતું સ્વ.જેતાભાઇ સતત ગામના  વિકાસ માટે  અને જ્ઞાતિ માટે કઇંક કરી છુટવાની ભાવના થી કાર્યરત રહેતા હતા.
તેમની ખોટ આજે પણ સોઢાણા ગામ ને વર્તાય છે. મહેર એકતા અખબાર ગૃપ પણ તેમને એક વર્ષ પૂરૂ થતા હાર્દિક શ્રધ્ધાંજલી અર્પણ કરે છે.


રાવલ ગામે નેત્ર નિદાન અને રકતદાન કેમ્પ યોજાયો
(અમારા પ્રતિનિધી દ્રારા)
જામનગર જીલ્લાના કલ્યાણપુર તાલુકાના જામરાવલ ગામે તા./ર૭/૩/ર૦૧૦ના રોજ શ્રી મહેર સોશયલ ગાૃપ-રાવલ  દ્રારા નેત્રનિદાન કેમ્પ અને બ્લડ કેમ્પનું આયોજન કર્યુ હતું કાર્યક્રમનું ઊદ્ઘાટન ગોરાણા ગામના સંરપચશ્રી લીલાભાઇ મોઢવાડીયાના હસ્તે કરવા માં આવ્યું હતું ત્યાર બાદ નેત્ર નિદાન કેમ્પને ખુલ્લો મુકવામાં આવ્યો હતો જેમાં ૧૯૦ દર્દીઓ આંખનું નિદાન કરાવેલ હતુ અને તેમાથી ૪૩ દર્દીઓ ને રાજકોટ ખાતે ઓપરેશન માટે લઇ જવામાં આવેલ આ નિદાન કેમ્પમાં  રણછોડદાસ બાપુ ટ્રસ્ટ-રાજકોટ ના ડોકટરોએ પોતાની માનદ્ સેવા આપેલ હતી અને તેનો લાભ ગ્રામજનો લીધો હતો.
 જયારે રકતદાન કેમ્પમાં પ૭ બોટલ રકત એકઠુ થયેલ હતું જે શ્રીરામ બ્લડ બક-પોરબંદરને અર્પણ કરેલ હતું આયોજન ને સફળ બનાવવા શ્રી મહેર સોશયલ ગૃપ-રાવલ  દ્રારા ભારે જહેમત ઊઠાવવામાં આવી હતી.


Read Full Post »

માણાવદર ખાતે આવેલી શ્રી સહજાનંદ એજયુ એન્ડ ચેરીટેબલ ટ્રસ્ટ સંચાલિત શ્રી દેવમણી કુમાર છાત્રાલયનો ત્રીજો વાર્ષિક મહોત્સજ ઊજવાઇ ગયો.
તા.ર૩-૧-૧૦ ના રોજ યોજાયેલ આ કાર્યક્રમમાં સવારે રકતદાન કેમ્પ ૮ થી ૧ કલાક દરમિયાન સ્વ.કારાભાઇ ઓડેદરાના સૌજન્યથી જીવન પ્રકાશ ફાઊન્ડેશન વોલન્ટરી બેન્ક જૂનાગઢ દ્વારા રકતદાન કેમ્પ તથા શ્રીકાંત આયુર્વેદીક હોસ્પીટલ કેશોદ દ્વારા ચર્મરોગ નિદાન કેમ્પ જેમાં સફેદ કોઢ, સોરયાશીસ, ખરજવું, વાળ ખરવા, કમરનો દુઃખાવો વગેરે રોગોની વિના મૂલ્યે સારવાર કરવામાં આવી હતી.
તેની સાથે સાથે જનની જન્મભૂમિ ટ્રસ્ટ રાજકોટ દ્વારા ભારતનાં નામી-અનામી
ક્રાંતિકારીઓનું માહિતીચિત્ર પ્રદર્શન કુમારભાઇ ઠાકરે દ્વારા તથા તલના દાણા ઊપર સુક્ષ્મ ચિત્ર પ્રદર્શન દિનેશ ઓડેદરા દ્વારા, વ્યસનમૂકિત પ્રદર્શન અને ચિત્ર પ્રદર્શન રાખવામાં આવેલ તથા સાંજના કાર્યક્રમમાં ઊપસ્થિત મહાનુભાવો અને સંતોએ ઊદ્બોધન પ્રવચન કરેલ હતા. જેમાં દિલ્હીથી પધારેલા સ્વામી અવધૂત રામાયણી રાષ્ટ્રીય અધ્યક્ષ અખીલ વિશ્વ ગૌસંવર્ધન એ જણાવ્યું હતું કે ગાય બચાવો, ગાય બચશે તો જ દેશ બચશે. આપણે હિન્દુઓએ જયાં સુધી ગાયની રક્ષા નહીં કરીએ ત્યાં સુધી કોઇપણ ઊત્સવ કે તહેવાર ઊજવવાના અધિકારી નથી.પોરબંદરથી પધારેલા અને કાર્યક્રમના અધ્યક્ષ પ.પૂ.ગૌ ૧૦૮ શ્રી વસંતકુમારે પોતાના પ્રવચનમાં જણાવ્યું હતું કે, ભણતરમાં ભગવદગીતા આપવી જોઇએ. દરેક ગુરુની અંદર એક માતા રહેલી છે. અને દરેક માતાની અંદર એક ગુરુ રહેલો છે. રાણાવાવના નિર્વાણધામથી પધારેલ પ. પૂ.  પરમાત્માનંદ ગીરીજીએ પણ શિક્ષણને યોગ્ય રીતે વેગ આપવાનો અનુરોધ કર્યો હતો. પોરબંદરની સીગ્મા પબ્લીક સ્કૂલનાં પ્રોફેસર ડો.એમ. એસ. ગોરાણીયાએ પણ રામકાળનું શિક્ષણ અને આજના શિક્ષણ વચ્ચેનો તફાવત વિશે તથા આજના જનતામાંશિક્ષણની આવશ્યકતા પર ભાર મૂકયો હતો.
રાત્રીનાં શ્રી દેવમણી ક્રિકેટ ટુર્નામેન્ટ તથા વિજેતા ટીમને ઇનામ વિતરણ તથા દેવમણી કુમાર છાત્રાલયના બાળકો દ્વારા ભવ્ય સાંસ્કૃતિક કાર્યક્રમ અને રાજુભાઇ ભટ્ટ તથા નાના પાટેકર (જુનીયર) ટીવી કલાકાર દ્વારા હાસ્યરસ તથા ભકિત સંગીતના વિવિધ કાર્યક્રમો યોજાયા હતા. આ કાર્યક્રમમાં શ્રી બચુભાઇ આંત્રોલીયા, શ્રી રમેશભાઇ ઓડેદરા,
શ્રીઅરભમભાઇ કેશવાળા, રાજુભાઇ ઓડેદરા સહિતના અગ્રણી આગેવાનોએ હાજરી આપી હતી. શ્રી મહાદેવયા મંદિરના પાર્ટીપ્લોટ ખાતે યોજાયેલા આ કાર્યક્રમને સફળ બનાવવા
આયોજક શ્રી નાગાજણભાઇ એમ. વદર, તથા ભરતભાઇ ઓડેદરાએ ભારે જહેમત ઊઠાવી હતી.

Read Full Post »

ધંધુસર ગામે વિદ્યાર્થી દિક્ષાંત સમારોહ, રકતતુલા, રકતદાન કેમ્પ, જ્ઞાતિ રત્નોનું સન્માન, વિવિધ કાર્યક્રમો યોજાયા

જુનાગઢના ધંધુસર ગામે ધારાસભ્યશ્રી અર્જુનભાઇ મોઢવાડીયાની રકતતુલા, રકતદાન કેમ્પ, ગામના તેજસ્વી વિદ્યાર્થીઓ અને જ્ઞાતિરત્નોનો સન્માન સમારોહ, સમસ્ત ગામનું ભોજન સમારંભ, કડછ ગામની શ્રી કાંધલી કૃપા રાસ મંડળ દ્વારા મણીયારો રાસ, તલવાર અને લાઠીની પટ્ટાબાજી તેમજ ઇઝરાલય વસતા ધંધુસર ગામના યુવાનોના આર્થિક સહયોગથી વિદ્યાર્થીઓનો સન્માન સહિતના વિવિધ કાર્યક્રમો યોજાયા હતા.
જુનાગઢની બાજુમાં આવેલા અને વંથલી તાલુકાના ધંધુસર ગામે તા.૧-૧૧-૦૯ નાં રોજ પ્રતિ વર્ષની જેમ શ્રી દાતાર એજયુકેશન એન્ડ ચેરીટેબલ ટ્રસ્ટ દ્વારા વિવિધ કાર્યક્રમો યોજાયા હતા. જેમા સવારે ૯ કલાકે હાઇસ્કુલ ખાતે ગામના ઊપસરપંચ શ્રી ભીમાભાઇ ચાંડેલા તથા શિરડી સત્ય સાંઇ ટ્રસ્ટ બ્લડ બેંકના દિનેશભાઇ સહિતના ગામના આગેવાનોના હસ્તે દિપ પ્રાગટય કરી રકતદાન કેમ્પને ખુલ્લો મુકવામાં આવ્યો હતો. જેમાં જામનગર, રાજકોટની શિરડી સત્ય સાંઇ ટ્રસ્ટ બ્લડ બેંકના સ્ટાફે ખડેપગે રહીને ર૦૦ બોટલ જેટલું રકત એકઠું કરવામાં આવ્યુ હતું. અત્રે વાંચક મિત્રોને યાદ અપાવી એ કે ધંધુસર ગામે દર વર્ષે રકતદાન કેમ્પ થાય છે. ત્યારે ગામ લોકો રકત આપી રકતનું દાન કરી “માનવ સેવા એજ પ્રભુ સેવા” રકતદાન મહાદાનના સુત્રને સાર્થક કર્યુ છે. મહેર એકતાની ટીમે એક રકતદાતાને પુછેલ પ્રશ્નનાં જવાબમાં રકતદાતાએ જણાવેલ કે મારૂ લોહી એક ગરીબ દર્દીને કે થેલેસેમીયાના દર્દીને કામ આવશે તેનો મને ખુબ જ આનંદ છે. ખરેખર આ ગામના રકતદાતાઓ અભિનંદનને પાત્ર છે. બપોરના સમસ્ત ધંધુસર ગામનું સામુહીક ભોજન પણ રાખવામાં આવ્યુ હતું.

Rakttula 01

ગ્રામજનો

બપોરના ૩ કલાકે વિધિવત કાર્યક્રમમાં પોરબંદરના ધારાસભ્યશ્રી અર્જુનભાઇ મોઢવાડીયા, કુતિયાણા તાલુકા પંચાયતના પ્રમુખ રમેશભાઇ ઓડેદરા, ભાયાભાઇ રાતીયા તથા ઊપસ્થિત જ્ઞાતિ અગ્રણીના હસ્તે દિપ પ્રાગટય કરી ગામની બાળાઓ દ્વારા મહેમાનોનું પુષ્પગુચ્છથી સ્વાગત કરવામાં આવ્યુ હતું.
મહેમાનોનું શબ્દોથી સ્વાગત દાતાર એજયુકેશન એન્ડ ચેરી. ટ્રસ્ટના પ્રમુખશ્રી અર્જુનભાઇ દિવરાણીયા દ્વારા કરી બીજા રાઊન્ડના કાર્યક્રમનો દોર આગળ ધપાવ્યો હતો. જેમા શ્રી રામપુરી ગોસ્વામીએ દાતાર એજયુ. એન્ડ ચેરી. ટ્રસ્ટનો પરિચય અને સંસ્થાની કામગીરી અંગેની માહિતી હતી. જયારે પ્રાસંગીક પ્રવચનમાં દાતાર ગૃપના સેક્રેટરીશ્રી અર્જુનભાઇ મુળીયાશીયાએ પોતાના પ્રાસંગીક પ્રવચનમાં રકતનું મૂલ્ય, રકતનો ઊપયોગ તથા નબળા વિદ્યાર્થીઓને સંસ્થા દ્વારા શિક્ષણ પુરૂ પાડવું તથા હરીફાઇના યુગમાં શિક્ષણની આવશ્યકતા પર ભાર મુકયો હતો. ત્યારબાદ ઘેડ પંથકના કડછ ગામની કાંધલી કૃપા રાસ મંડળીએ ઓરીજનલ મહેર પોશાકમાં મણીયારો રાસ રજુ કરી પ્રેક્ષકોના દિલ જીત્યા હતા. ત્યારબાદ ધંધુસર ગામના તેજસ્વી વિદ્યાર્થીઓ કે.જી.થી લઇને ગ્રેજયુએટ, પોસ્ટ ગ્રેજયુએટ તથા ઊચ્ચ અભ્યાસ કરતા તેજસ્વી વિદ્યાર્થીઓનું શિલ્ડ, પ્રમાણપત્ર આપી સન્માન કરી તેમને પ્રોત્સાહિત કરવામાં આવ્યા હતા. ત્યારબાદ મહેર જ્ઞાતિના વિવિધ રત્નો કે જેના દ્વારા વિવિધ શૈક્ષણિક, આર્થિક, સામાજીક, આરોગ્ય વિષયક સેવાકીય પ્રવૃતિ થતી રહે છે તેવા અગ્રણીઓનું શાલ અને શિલ્ડ આપી સન્માન કરવામાં આવ્યુ હતું.
આ પ્રસંગે કુતિયાણા તાલુકા પંચાયતના પ્રમુખશ્રી રમેશભાઇ ઓડેદરાએ પોતાના પ્રાસંગિક પ્રવચનમાં જણાવ્યુ હતું કે આજના આધુનિક યુગમાં શિક્ષણ ખાસ જરૂરી છે. શિક્ષણ વગર જીવન આંધળું છે. આપણી જ્ઞાતિમાં શકિત છે, ઊર્જા છે, પરંતુ તેને જો સારા રસ્તે વાળવામાં આવે તો સોનામાં સુગંધ ભળે. આપણી જ્ઞાતિ પ્રથમ નંબરે છે. કારણ કે હું રાજકોટ ખાતે સ્વાધ્યાયના એક કાર્યક્રમમાં ગયો હતો ત્યારે વિશ્વ વિભુતી કહી શકાય એ પાંડુરંગદાદાએ મેર જ્ઞાતિએ સર્વશ્રેષ્ઠ છે એમ કહેલ. તેથી આપણી જ્ઞાતિમાં એ જાગૃત થઇ વિકાસના કામે લાગી જઇએ તેમ અંતે જણાવ્યુ હતું.
આ પ્રસંગે રામદેભાઇ મોઢવાડીયાએ ઊપસ્થિત જનમેદનીને શિક્ષણ પણ ભાર મુકતા જણાવ્યુ હતું કે આપણી જ્ઞાતિમાં હવે ભુખ રહી છે. કારણકે આપણા બરડા અને ઘેડ વિસ્તારમાં વાલીઓ પોતાના બાળકને ખેત મજુરી કરીને પણ બહોળી સંખ્યામાં ભણાવે છે. તે આનંદ અને ગૌરવની વાત છે. જુનાગઢ એ સૌરાષ્ટ્રનું શિક્ષણનું પીઠુ બનતુ જાય છે. સારી સ્કુલો જુનાગઢની અંદર ઊભી થઇ છે. તેનો આપણે લાભ લઇ જ્ઞાતિનું નામ રોશન કરીએ. રક્તતુલા: અર્જુનભાઇ મોઢવાડીયાત્યારબાદ અર્જુનભાઇ મોઢવાડીયાની રકતતુલા કરી જામનગર, રાજકોટની શિરડી સત્ય સાંઇ ટ્રસ્ટને રકત અર્પણ કરવામાં આવ્યું હતું. ત્યારબાદ કડછ ગામની રાસ મંડળીએ ઢાલ તલવારનો રાસ રજુ કરવામાં આવ્યો હતો.
આ પ્રસંગે કાર્યક્રમના અધ્યક્ષ અને મુખ્ય મહેમાન શ્રી અર્જુનભાઇ મોઢવાડીયાએ ઊપસ્થિત જનમેદનીને સંબોધતા જણાવ્યુ હતું કે, હું પણ દર ત્રણ મહીને રકતદાન કરૂ છું અને દરેક લોકોએ રકતદાન કરવું જોઇએ. કારણકે આપણા રાજયમાં રકતદાનની ખોટ આવે છે. મૃત્યુ પછી ચક્ષુદાનની પણ આવશ્યકતા તેણે દર્શાવી હતી. તેણે મહેર દાંડીયારાસની પ્રશંસા કરતા જણાવ્યુ હતું કે હવે તો રાજયકક્ષાએ પ૦ જેટલી ટીમો ભાગ લેવા જતી હોય તેમાંથી રપ જેટલી ટીમો તો આપણો રાસ રમે છે. પછી તે અમરેલીની હોય કે રાજકોટ ગુરૂકુળની હોય. કારણકે તેને ગ્રહણ કરવા જેવું આજ લાગ્યું. તેણે રાણાભાઇ સીડાની ટીમ આર્જેન્ટીનામાં ગઇ તેને યાદ કરી આનંદ વ્યકત કર્યો હતો. આપણો સમાજ ગુણપુજક બને તેવું આહવાન પણ કર્યુ હતું અને વ્યસન મુકત આપણો સમાજ બને તે માટે પ્રયાસ કરવાની તાતી જરૂરીયાત છે. આજુબાજુના ગામ પાસેથી જો આપણે પ્રેરણા લઇએ તો આ ધંધુસર ગામ મોડેલ ગામ બને તેમાં શંકાને સ્થાન નથી તેમ અંતે જણાવ્યુ હતું.

Rakttula 04 sanman

વિદ્યાર્થી ગૃપનું સન્માન

આ કાર્યક્રમમાં દાતાર એજયુકેશન એન્ડ ચેરી. ટ્રસ્ટના પ્રમુખશ્રી અર્જુનભાઇ દિવરાણીયાએ મહેર વિદ્યાર્થી ગૃપ-જુનાગઢના કો.ઓર્ડીનેટર રાજુભાઇ ઓડેદરા, ઊપપ્રમુખ, સેક્રેટરી અને સહમંત્રીશ્રીને મોમેન્ટો અર્પણ કરેલ. ત્યારબાદ મહેર રાસ મંડળ-કડછ દ્વારા તલવારની પટ્ટાબાજી રજુ કરી દર્શકોના દિલ જીતી લીધા હતા.  કાર્યક્રમના અંતે આભારવિધિ ધીરૂભાઇ દાસાએ કરેલ જેમાં તેણે સર્વે જ્ઞાતિજનો, આગેવાનો, મહેમાનો, વિદ્યાર્થીઓનો હૃદયપુર્વક આભાર માનેલ હતો. તથા કાર્યક્રમનું સુંદર સંચાલન બહાઊદીન કોલેજના પ્રો.શ્રી મનીષભાઇ જાનીએ કર્યુ હતું. આ તબકકે આ કાર્યક્રમમાં પ્રત્યક્ષ કે પરોક્ષ રીતે સહભાગી થવા બદલ શ્રી દાતાર એજયુ. એન્ડ ચેરી. ટ્રસ્ટના પ્રમુખશ્રી અર્જુનભાઇ દિવરાણીયાએ સર્વે જ્ઞાતિજનો તથા બહારગામના સર્વે લોકોનો મહેર એકતા અખબારના માધ્યમ દ્વારા આભાર માને છે.

Rakttula 03 Dandiya

મહેર જવાંમર્દોનો ઢાલ-તલવાર રાસ

 આ કાર્યક્રમમાં લીલાભાઇ ખુંટી, મહેર સુપ્રીમ કાઊન્સીલના ચાવડાભાઇ તથા સભ્યો, રામસગભાઇ સુંડાવદરા, બચુભાઇ આંત્રોલિયા, તારાબેન ખુંટી, ભુરીમાં પરમાર, લીલાભાઇ કડછા-રાજકોટ, ડો. ભટ્ટ સાહેબ (શીરડી સાંઇ યુવક મંડળ ટ્રસ્ટ બ્લડ બેંક), રામદેભાઇ મોઢવાડીયા, સત્યમ સેવા યુવક મંડળ ટ્રસ્ટના પ્રમુખશ્રી મનસુખભાઇ વાજા, કેળવણીકાર કિશોરભાઇ હદવાણી,  માનવતા પરીવાર ટ્રસ્ટના સભ્યો, માલદેબાપા મૈયારીવાળા, સવદાસભાઇ પરમાર, મેણંદભાઇ મુળીયાશીયા કેમેરામેન, સ્વ.અનીલાબેન વિજયદાસજી વિદ્યા મંદિરના પ્રિન્સીપાલ, વિદ્યાર્થીઓ તથા સ્થાનિક આગેવાનો, ઊપસરપંચશ્રી ભીમાભાઇ ચાંડેલા, કાળાભાઇ સધલ, મોહનભાઇ વાઘ, રામભાઇ દીવરાણીયા, માલદેભાઇ સિંધલ, લખમણભાઇ દીવરાણીયા, રામદેભાઇ વદર, ભીમભાઇ દીવરાણીયા, નાગાભાઇ થાપલીયા, ઊકાબાપા, નાથાભગત, હાજાભાઇ પી. સુત્રેજા, મેણંદભાઇ દીવરાણીયા, માંગાભાઇ દીવરાણીયા, કોઠડી ગામના સરપંચ રામદેભાઇ મુળીયાશીયા, ચુડવાના સરપંચ, ખડીયા ગામના સરપંચ સહીતના આગેવાનો ઊપસ્થિત રહયા હતા.
આ કાર્યક્રમને સફળ બનાવવા દાતાર એજયુ. એન્ડ ચેરી. ટ્રસ્ટના પ્રમુખશ્રી અર્જુનભાઇ દિવરાણીયા, ઊપપ્રમુખશ્રી રામભાઇ સધલ,  સેક્રેટરીશ્રી અર્જુનભાઇ મુળીયાશીયા, સહમંત્રીશ્રી ધીરૂભાઇ દાસા, મેરૂભાઇ કાનાભાઇ, ભુપતભાઇ સુત્રેજા, જાદવભાઇ ચાંડેલા, લખુભાઇ દિવરાણીયા, ભરતભાઇ ભીમાભાઇ ચાંડેલા, સુરેશભાઇ દિવરાણીયા, ભીમાભાઇ ચાંડેલા, શ્રી નાથાભાઇ મુળીયાશીયા, દેવાભાઇ ચાંડેલા, દેવાભાઇ વદર, દેવાભાઇ વીરમભાઇ, ધીરૂભાઇ દેવાભાઇ દિવરાણીયા (જય વચ્છરાજ મોટર રીવાઇન્ડગ, ધંધુસર) ધીરૂભાઇ ગોરેજીયા, રામા આતા, રામદેભાઇ ચાંડેલા, રામપુરી ગોસ્વામી, જેતાભાઇ મુળીયાશીયા, જેતાભાઇ દીવરાણીયા ઊકાભાઇ મુળીયાશીયા, માલદેભાઇ ભાયાભાઇ, લખાભાઇ ઓડેદરા, માલદેભાઇ ઓડેદરા, ઓઘાભાઇ ચનાભાઇ, ભરતભાઇ ચીનુભાઇ, દેવાભાઇ દીવરાણીયા, ભીમભાઇ દીવરાણીયા તથા ટ્રસ્ટના સર્વે સભ્યો, કાર્યકરો અને સમસ્ત ગ્રામજનો દ્વારા ભારે જહેમત ઊઠાવી કાર્યક્રમને સફળ બનાવ્યો હતો.

ધંધુસર ગામે મહેર જ્ઞાતિના સન્માનિત થયેલા જ્ઞાતિરત્નો અને તેમની કામગીરી…..
૧)  શ્રી ભાયાભાઇ એમ. રાતીયા– જુનાગઢ (જ્ઞાતી અગ્રણી) શિક્ષણશાસ્ત્રી, ભવનાથ અને મહેર કન્યા છાત્રાલયના પાયના પથ્થર.
ર)  શ્રી કરશનભાઇ સુત્રેજા – રાજકોટ (સેવાભાવી) રાજકોટ સ્થિત હોસ્પીટલમાં મહેર જ્ઞાતિના દર્દીઓને રોજ ટીફીન આપવાની સેવાકીય પ્રવાૃતિ.
૩)  શ્રી મહેર કન્યા છાત્રાલય-જુનાગઢ. જુનાગઢ ખાતે મહેર જ્ઞાતિની બાળાઓ માટેની ઊચ્ચર શિક્ષણ સંસ્થા છે. તે બદલ સંસ્થાના પ્રતિનિધિ શ્રી રામસગભાઇ સુંડાવદરાને સન્માનીત કરવામાં આવ્યા.
૪)  શ્રી સુકાભાઇ રામભાઇ આંત્રોલીયા– માણાવદર (જ્ઞાતિ અગ્રણી) ભવનાથ સ્થિત મહેર સમાજ ખાતે ભજન, ભોજનની સેવા પુરી પાડવા બદલ.
પ)  શ્રી ભીમાભાઇ કેશવાલા-રાજકોટ, હોસ્પીટલને લગતી અવીરત સેવા તથા વિદ્યાર્થીઓને માર્ગદર્શન આપવા બદલ.
૬)  શ્રી મહેર માનવતા પરીવાર ટ્રસ્ટ-પોરબંદર, હોસ્પીટલોમાં દર્દીઓને સેવા પુરી પાડવા બદલ.
૭)  શ્રી માંડણભાઇ ઓડેદરા-રાજકોટ (જ્ઞાતિ અગ્રણી), રાજકોટ યુનિ. ખાતે મહેર વિદ્યાર્થીઓને શિક્ષણ ક્ષેત્રે અવીરત સેવા અને માર્ગદર્શન પુરૂ પાડવા બદલ.
૮)  શ્રી વણઘાભાઇ ગાંગાભાઇ પરમાર-ગોરસર ખાતે મામા પાગલ આશ્રમના સંચાલક તથા પાગલ વ્યકિતઓની અવીરત સેવા કરવા બદલ.
૯)  શ્રી જેતાભાઇ ઊકાભાઇ સુત્રેજા-ધંધુસર (જ્ઞાતિ અગ્રણી), ધંધુસર ખાતે ગરીબ વિદ્યાર્થીઓને ઊચ્ચ શિક્ષણ માટે ર્આિથક સેવા પુરી પાડવા બદલ.
૧૦)  શ્રી રમેશભાઇ પટેલ-કુતિયાણા (તાલુકા પંચાયત પ્રમુખ), દાતાર એજયુ.એન્ડ ચેરી. ટ્રસ્ટના રાહદારી અને કુતિયાણા તથા આજુબાજુના ઘેડ પંથકના મહેર ગામોમાં શિક્ષણનો પ્રચાર કરવા બદલ.
૧૧)  શ્રી રાજુભાઇ ઓડેદરા-જુનાગઢ (મહેર વિદ્યાર્થી ગાૃપ, કો.ઓ.) જુનાગઢ મહેર વિદ્યાર્થી ગૃપના સ્થાપક તથા દર વર્ષે વિદ્યાર્થીઓને માર્ગદર્શન અને સન્માનીત કરવા બદલ.
૧ર)  શ્રી રામભાઇ કડછા-જુનાગઢ (તંત્રીશ્રી, “મહેર એકતા”) મહેર જ્ઞાતિની તમામ ખબરો ગામડે-ગામડે તથા દેશ-વિદેશમાં પહાચાડવા તથા જ્ઞાતિ વિકાસના કાર્યો કરવા બદલ.
૧૩) શ્રી રમેશભાઇ ચાવડા-ધંધુસર, ગામમાં રોશની તથા ઇલેકટ્રીકને લગતી સેવા પુરી પાડવા બદલ
૧૪) શ્રી પરબતભાઇ દિવરાણીયા-ધંધુસર, સ્મશાનમાં વૃક્ષ ઊછેર તથા આવેલા ડાઘુઓને પાણી પાવાની સેવા આપવા બદલ.

Read Full Post »

વિસાવાડા ગામે તેજસ્વી વિદ્યાર્થીઓને વતનપ્રેમીઓ દ્વારા પ્રોત્સાહિત કરાયા

                    પોરબંદર તાલુકાનાં વિસાવાડા ગામના મુળ વતની અને હાલ વિદેશ વસવાટ કરતા જ્ઞાતિજનો દ્વારા તાજેતરમાંજ પોતાનાં માદરે વતનમાં જુદાજુદા ધોરણમાં અભ્યાસ કરતા વિદ્યાર્થીઓને ઇનામ અને પ્રોત્સાહિત રકમ આપી બિરદાવવામાં આવ્યા હતા.

                    શ્રી વિસાવાડા વિદ્યોતેજક ફંડ સમિતિનાં નેજા હેઠળ,   ધો-૧૦,૧૧ અને ૧૨ માં અભ્યાસ કરતા અને પ્રથમ વર્ગ કે ડીસ્ટીંક્શન લાવનાર, બધાજ વિદ્યાર્થીઓને અનુક્રમે રૂ.૫૦૦ અને ૧૦૦૦ નું પ્રોત્સાહક ઇનામ આપવામાં આવ્યું હતું. આ શાથે જ  ઉચ્ચ માધ્યમિક શાળા (સરકારી) વિસાવાડામાં, ધો-૧૧ અને ૧૨ નાં આર્ટસ અને કોમર્સ પ્રવાહમાં અભ્યાસ કરતા તમામ વિદ્યાર્થીઓને વિનામુલ્યે પુસ્તકો આપવામાં આવ્યા હતા. …(મહેર એકતા) 

રાજસ્થાનમાં ભવ્ય મહેર સંમેલન યોજાયું

 

 

મણિયારો રાસ

મણિયારો રાસ

આપણી મહેર જ્ઞાતિ મુખ્યત્વે પોરબંદર જીલ્લામાં વસવાટ કરે છે. તે પછી ક્રમશઃ દેશ-વિદેશનાં સીમાડા વટાવી ચુકી છે ત્યારે આપણે બારોટનાં ચોપડેથી ઘણી વાર સાંભળવા મળતું હોય છે કે, આપણે રાજસ્થાનમાંથી આવેલા છે. અને આજે પણ રાજસ્થાનમાં મહેર નામની એક જાતિ વસવાટ કરે છે.  રાજસ્થાનમાં વસવાટ કરતા મહેર ભાઇઓએ ગણેશ ઉત્સવ નિમિત્તે મહેર મહાસંમેલનનું આયોજન કરેલ. આ કાર્યક્ર્મમાં કુતિયાણા,પોરબંદર,રાણાવાવ અને જુનાગઢનાં જ્ઞાતિ આગેવાનોને ભાગ લેવા નિમંત્રણ પાઠવવામાં આવેલ હતું. રાજસ્થાન ખાતે યોજાયેલ આ બાર દિવસીય શ્રી ગણેશ મહોત્સવ તથા મહેર સંમેલનમાં તા:૨૩ ને રવિવારનાં ગણપતિ સ્થાપનાં, તથા અન્ય દિવસોમાં ભજન સંધ્યા, સર્વધર્મ સદભાવના કાર્યક્રમ, રાજસ્થાનનાં લોકનૃત્યો રામરસિયા તથા પદદગલ, તેમજ છાંયાની રાણાભાઇ સીડાની પ્રસિધ્ધ મહેર રાસ મંડળીના મણિયારા રાસનું આયોજન થયેલ. તા: ૩ નાં રોજ મહેર સંમેલન તથા ગણેશ વિસર્જન શાથે આ કાર્યક્રમની પૂર્ણાહુતી થયેલ.  આ ઉત્સવ રાજસ્થાનનાં કરૌલી જિલ્લાનાં નાદૌતી તાલુકાનાં સોપ ગામે શ્રી મીનેશ્વર મહાદેવ મંદિરનાં પટાંગણમાં યોજાયેલ.

 

આ કાર્યક્રમને સફળ બનાવવા આયોજક રમેશચંદ્ર મીણા તથા મીણેશ્વર ગણેશ મહોત્સવ સમિતિએ ભારે જહેમત ઉઠાવી હતી. ……(મહેર એકતા)

પાર્થ એકેડેમી જૂનાગઢ ખાતે ગણેશ ઉત્સવની ઉજવણી કરાઇ

જુનાગઢ નજીક વાડલા ફાટક પાસે આવેલ પાર્થ એકેડેમી ખાતે શ્રી ગણેશ ઉત્સવની ધામધુમ પૂર્વક ઉજવણી કરાઇ હતી. જેમાં વિદ્યાર્થીઓ દ્વારા સવાર સાંજ આરતી,પૂજન તથા વિવિધ કાર્યક્રમો યોજાયા હતા. વિદ્યાર્થી બાળકોમાં નાનપણથીજ અભ્યાસની શાથે શાથે સાંસ્કૃતિક તહેવારો પ્રત્યે ઉત્સાહ જાગે તેવા શુભ આશયથી દર વર્ષે આ આયોજન કરાય છે. ..(મહેર એકતા)

શીશલી ગામે મૂર્તિ પ્રાણપ્રતિષ્ઠા તથા રક્તદાન કેમ્પ યોજાયો

 

કરણાઆતા

કરણાઆતા

પોરબંદરનાં શીશલી ગામે તા:૧૯/૮/૦૯ નાં રોજ ગામનાં અગ્રણી દાનવીર સ્વ.શ્રી કરણાભાઇ પરબતભાઇ મોઢવાડીયાની પુણ્યતિથીએ તેમનાં પરિવાર દ્વારા ખોડિયાર માતજી મંદિરનાં સંકુલમાં શ્રી કરણાઆતાની મૂર્તિ પ્રતિષ્ઠા અને રક્તદાન કેમ્પ તથા સંતવાણીનો કાર્યક્રમ યોજાયો. આ કાર્યક્રમમાં ગામનાં આગેવાન મહાનુભાવો અને ગ્રામજનો ભારે સંખ્યામાં ઉપસ્થિત રહ્યા હતા. 

 

 રક્તદાન કેમ્પમાં મોટી સંખ્યામાં યુવક યુવતીઓએ ભાગ લઇ અને ૧૨૮ બોટલ રક્ત એકઠું કરી આશા ચિલ્ડ્રન હોસ્પીટલને આ રક્ત અર્પણ કરવામાં આવ્યું હતું. આ કાર્યક્રમને સફળ બનાવવામાં કરણાઆતાનાં પરિવાર તથા ગ્રામજનો અને કેટલીયે સેવાભાવી સંસ્થાઓએ ભારે જહેમત ઉઠાવી હતી. ……(મહેર એકતા)

હરિદ્વારમાં શ્રીમદ ભાગવત કથાનું આયોજન

કેશોદમાં રહેતા ઓડેદરા પરિવાર દ્વારા ગંગા નદીના તટ પર, રામધામ ગંગેશ્વર ધામ, આર્ય નિવાસ સામે, અખાડા રોડ,  હરિદ્વાર, ઉતરાંચલ ખાતે શ્રીમદ ભાગવત સપ્તાહ જ્ઞાનયજ્ઞનું, તા:૧૨/૯/૦૯ થી ૧૮/૯/૦૯ સુધી, આયોજન કરેલ છે.

જેમાં વ્યાસપીઠ પર વિનુભાઇ વ્યાસ બીરાજી કથાનું રસપાન કરાવશે. આ ભાગવતરૂપી જ્ઞાનગંગાનો તથા ગોમતી ગંગાના સ્નાનનો લાભ લેવા સર્વને ભાવભર્યું નિમંત્રણ છે.

આયોજકો: ભુરાભાઇ વિક્રમભાઇ ઓડેદરા, નાગાજણભાઇ સવદાસભાઇ ઓડેદરા, લીલાભાઇ અભુભાઇ ઓડેદરા – કેશોદ

એભાભાઇ ગાંગાભાઇ ઓડેદરા – (એલ.સી.બી.) પોરબંદર. ……(મહેર એકતા)

મેર કન્યા છાત્રાલય-જુનાગઢ ને મળેલ ભેટ

પોરબંદર તાલુકાનાં કડછ ગામનાં રહીશ અને હાલ રાજકોટ ખાતે રહેતા સ્વ.સામતભાઇ મેરખીભાઇ કડછાનું અવસાન થતાં તેમનાં સ્મરણાર્થે તેમનાં ધર્મપત્નિ ગં.સ્વ. માલીબેન તથા તેમના સુપુત્ર ધવલકુમારે શ્રી સમસ્ત મહેર સમાજ જુનાગઢ સંચાલિત શ્રી મેર કન્યા છાત્રાલયમાં એક રૂમ બનાવવા માટે રૂ. ૫૧,૦૦૦ નું દાન આપી અનુકરણીય પગલું ભરેલ છે જે દાન સ્વીકારી સમાજે તેમનો આભાર વ્યક્ત કરેલ છે. ….(મહેર એકતા)

પપૈયામાં શંખ અને ગણેશજીનાં દર્શન

papaiya Shankhજુનાગઢનાં વંથલી તાલુકાનાં ધંધુસર ગામે રહેતા જીવાભાઇ થાપલીયાની વાડીમાં પપૈયાનાં વૃક્ષમાં શંખ આકારનું પપૈયું આવ્યું હતું. જેને જોવા માટે ગ્રામજનો એકત્ર થયા હતા અને અનેરી ધાર્મિકતા દર્શાવી હતી.

papaiya ganeshપોરબંદરના ભારવાડા ગામે હાથીયાભાઇ ઓડેદરાની વાડીમાં પપૈયાનાં એક વૃક્ષમાં ત્રણ પપૈયા ગણેશજી આકારનાં દેખાતા હોવાથી આ ત્રણેય પપૈયાને હાથીયાભાઇએ સુદામા મંદિરમાં લોકદર્શનાર્થે મુક્યા હતા. ….(મહેર એકતા)

 

 

Read Full Post »