Feeds:
પોસ્ટો
ટિપ્પણીઓ

Posts Tagged ‘રમેશભાઇ ઓઝા’

(અહેવાલ:તંત્રીશ્રી)
આજે તા: ૨૭/૧૧/૨૦૧૦ના રોજ, જામનગર ખાતે યોજાયેલ શ્રીમદ્‌ ભાગવત સપ્તાહ જ્ઞાનયજ્ઞનો પ્રથમ દિવસ, અને શ્રી ભાગવતજીની શોભાયાત્રા.
સવારે ૯-૩૦ કલાકે શોભાયાત્રાનો આરંભ થયો. શોભાયાત્રામાં સૌ પ્રથમ આઠ ઘોડેશ્વારોએ, મહેર જવાંમર્દોના પારંપારિક પહેરવેશમાં શોભતા અને થનગનતા ઘોડા ખેલાવતા, શોભાયાત્રાની આગેવાની કરી હતી. તેમની પાછળ ઢોલ અને શરણાઇનાં પારંપારિક ધબકારાઓ માનવમેદનીને થનગનતા કરતા જતા હતાં. તેની પાછળ જામનગરની સુંદર મજાની બેન્ડપાર્ટી સૂરાવલીઓની રસલ્હાણ પીરસતી જતી હતી. અને તે શાથે શ્રી નંદેશ્વર પંચવટી મહાદેવ મંદિરના સતસંગ મંડળની માતાઓ,બહેનો કૃષ્ણકનૈયાનાં ભાવવાહી કિર્તનોની રમઝટ બોલાવી સમગ્ર વાતાવરણને કૃષ્ણમય બનાવી મુક્યું હતું. તે પછી કથાના આયોજક પરિવારની દશ બાળાઓ માથે કળશ અને શ્રીફળ લઇ ચાલતી વાતાવરણને મંગલમય બનાવતી હતી. તેમની પાછળ સઘળું નારીવૃંદ મંગલ ગીતડાં ગાતું ચાલતું હતું. આ પછી જામનગર મહેર સમાજનાં ચાલીશ જેટલાં અગ્રણીઓ, યુવાનો માથે સુંદર શોભતા સાફા બાંધી અને મલપતિ ચાલે ચાલતા ખુબજ રૂડા લાગતા હતા. તેઓની પાછળ એક સુંદર શણગારેલા નાના રથમાં, કથાનાં આયોજક કરશનભાઇનાં પરિવારનાં, ભૂલકાંઓ કિલકિલાટ કરતાં જાણે બાલગોપાલ સમા ભાસતા હતા. આખરે સુંદર શોભાયમાન રથમાં શ્રી ભાગવતજી શાથે કથાનાં વક્તા પૂજ્ય શ્રી રમેશભાઇ ઓઝા બિરાજમાન થયેલા દેખાયા અને સર્વ ભાવિકજનોનાં હૈયાં થનગનાટ શાથે આશિર્વાદ પામવા નતમસ્તક થતા દેખાતા હતાં. આ મુખ્ય રથની પાછળ પોરબંદર સાંદિપની આશ્રમથી પધારેલા રૂષિકુમારો મંત્રગાન કરતાં સમગ્ર વાતાવરણને પવિત્ર બનાવતા ચાલતાં હતા. આ સમગ્ર શોભાયાત્રા દોઢેક કલાક ચાલી અને કથાશ્થળે પહોંચી હતી. 

(દરરોજનો આંખે દેખ્યો અહેવાલ રજુ કરાશે)

Read Full Post »

જામનગર ખાતે ભુતિયા પરીવાર દ્રારા ભાઇશ્રી રમેશભાઇ ઓઝાની શ્રીમદ્ ભાગવત સપ્તાહ જ્ઞાન યજ્ઞનો પ્રારંભ તા.ર૪/૧૧/૦૧૦ના રોજ થવાનો હતો પરંતુ ભારે વરસાદના કારણે હવે તે તા.ર૭/૧૧/૦૧૦ના રોજ મંગલ પ્રારંભ થશે જેની સર્વે જ્ઞાતિજનોએ નોધ લેવી.

Read Full Post »